Sopelako Udal Euskaltegiko ikastaroetan izena emateko epea irailaren 26an amaituko da, tokiko iturriek adierazi dutenez. Auzokideek ohikoak diren euskalduntze maila guztiak eskura izango dituzte: perfilak egiaztatzeko azterketak, eta abar. Gainera, behar bereziak dituzten taldeentzat ere ikastaro berezituak egongo dira, besteak beste: guraso taldeak (seme-alabekin euskara praktikatu gura dutenentzat), bizkaiera ikastaroa (bertako euskara ikasi gure dutenentzat), merkatari taldeak (herriko dendarientzat beren-beregi sortutako taldea) eta kirol begiraleentzako taldeak (kirol entrenatzaile edo begiraleentzako taldeak, hiztegi berezia ikas dezaten, eta abar). Izena emateko Udal Euskaltegira joatea besterik ez dago: Enrike Urrutikoetxea, 10 / 944 763 154 / euskaltegia[abildua]sopelana.com. Argazkian, haurrak Aitxu! euskara taldeak antolatutako dantzaldian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun