Bihar, asteazkenarekin, berriz, Loma Prieta estatubatuarrek emango dute kontzertua, Europatik zehar dabilen jiraren barruan. San Fraciscotik datorren hardcore taldea hori Europa, Mexiko, Japon eta Estatu Batuetatik birak egin eta gero Euskal Herrira hurbildu dira "I.V." beraien azken lana aurkeztera. Oraingoan Deathwish zigilu ezagunak fitxatu ditu, disketatik at, zuzenekoetan erakusten duten emozionaltasun tonengatik. Emanaldia Oviedoko Enoch Ardon-ek osatuko du. Banda 2005ean jaio eta 2008tik jo gabe egon da. "Orchid taldearen antzeko screamo indartsua jorratzen dute eta bueltarako oso prest daudela dirudi", Musikazuzenean.com atariaren ustez. Kontzertua 20:30ean hasiko da eta sarrera 6 eurotan dago.
Astebururako egitaraua
Ostegunean atsedena hartu ostean, ostiraleko gaua urriaren 5ean Bilboko Santana 27 aretoan egingo den Musikazoka Bizkaiko musikari independenteen jaiari eskainiko diote. Besteak beste, Musikazokan izango dira 4 Tragos, Nasti de Plasti, Conflict Noise, Angel Arellano, Alerta, Bajo Axpe, Mashai, Mala Noche, Pabellon 314, Evil Seeds, Laseda, Arbian, Karretera Agropecuaria eta Doblete en el Taburete. Sentinelen Musikazokarako izendapenak egingo dituzte, bertako kanta ezagunak abestearekin batera. Larunbatari dagokionez, Viva Vinagre eta Matutano taldeak arituko dira 20.30etik aurrera.
Musikaz beteriko astea zabalduko du gaur Erandioko Sentinel Rock aretoak. Izan ere, gaur, bihar, etzidamu eta larunbatean kontzertu bana jarriko du aukeran rockzaleen ostatuak. Gaur, asteartearekin, iluntzeko 8etatik aurrera, Jodida Actitud Normal (JAN) euskal hardcore eszenako talde mitikoa arituko da. Hau izango da David oraingo abeslariaren azken kontzertua. Halere, "bizitzak aurrera jarraitzen du" azaldu du Alonsotegiko taldeak, oholtzaren gainean 18 urte daramatzana. Haiekin batera, Cementerio talde valentziarrak joko du, Heavy Sludge doinuak erabiliz. Kideak Cucarachas Enojadas, Derrota, Hope of Tragedy, Disparo eta El Hambre Valentzia hiriko taldeetan ibiliak dira eta musika parametro berrietara zabaldu dira. Sarrera tabernan bertan erosi ahal izango da, lau eurotan. Argazkian, JAN aurreko batean Sentinelen / © JAN.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun