Jonathan Castroviejo txirrindulari itzubaltzetarrak larunbatetik aurrera Florentzian jokatuko diren txirrindularitzako Munduko Txapelketan parte hartuko du. Movistarreko txirrindularia erlojupeko zein errepideko probetan arituko da. Horrela jakinarazi du gaur Javier Minguez Espainiako selekzioko hautatzaileak, beste euskal herritar bat ere, Euskalteleko Egoi Martinez nafarra, aukeratu duena. Espainiako selekzioaren taldeburuak Joaquim Rodriguez (Katusha) eta Alejandro Valverde (Movistar) izango dira, honako beste txirrindulariek osatuko dutela Samuel Sanchez (Euskaltel), , Alberto Contador (Saxo-Tinkoff), Jose Herrada (Movistar), Dani Moreno (Katusha) eta Luis Leon Sanchez (Belkin). Castroviejok pasa den ekainaren 21ean irabazi zuen Espainiako Erlojupeko Txapelketa. Argazkian, Jonathan Castroviejo podiumeko erdian, Espainiako txapelketa irabazi zuenean / © Movistar.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun