"Badakizue: oinetako erosoak, ur botilatxoa, euritakoa agian... eta ibiltzeko gogoak! Zure parte hartzearekin, autoaren erritmoaren ordez, Leioak oinezkoen erritmoa hartuko du, oinezkook presentzia handia izango baitugu kaleetan! Ibilaldian zenbat eta jende gehiagok parte hartu, handiagoa izango da Leioari erritmoa markatzeko izango dugun gaitasuna", adierazi dute Herriguneko arduradunek. Hartara, sarreran hartu ahal izango diren iradokizun orriak betetzera animatu dituzte herritarrak. "Zuen iritzi, proposamen eta ideiak partekatuz Leioa hobetzen goaz pausuz-pausu. Ibilbidean zehar bete eta zinegotziek eramango dituzten 'Zinegotxiletan' sar ditzakezue, gero Udalera bideratzeko. Sarreran eta helmugan topatuko dituzue iazko Oinezkoen Pausura Ibilaldian jasotako iradokizunen erantzunak. Twitter ere utz ditzakezue zuen iradokizunak, bestelako mezu edota argazkiak #leioaoin hashtag-aren bitartez", azaldu dutenez.
Ekimeneko esku-orria
Larunbat honetan, irailak 21, Leioa Oinezkoen Pausura Hiritarren IX. Ibilaldia egingo dute, Herriguneren ekimenez. Jada klasikoa den ibilaldi horren bitartez, elkarrekin "goiza pasatzeko aukera ederraz" gozatu eta udalerriko kaleek oinezkoei segurtasunez eta lehentasunez ibiltzeko aukera ematen ote dieten behatuko dute parte-hartzaileek. Ibilbidea Sakoneta kiroldegitik abiatuko dute goizeko 11etan, beti bezala. Aurtengo ibilbideak San Bartolomerantz eramango ditu parte-hartzaileak lehenik eta handik jaitsitakoan, Pinosolo parkea, Ondiz auzoa eta Kandelazubieta igaroko dituzte, Avanzadako bulebarreko Stoan amaitzeko. Bide guztia fuksia koloreko zebra irudiez markatu dute. Argazkian, aurreko edizioaren irudi bat / cc-by-nc-sa Herrigune.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun