Liburuak izandako arrakastaren ostean, beste urrats bat egin da idazlearen sentipenak pantaila handira eramateko. Bakoitzari bere barrenera bidaia hunkigarri bat egiten lagunduko dio “Amaren eskuak” filmak. Askotan, egunerokotasunaren itzalpean oso ezkutuan dugun txoko horretara heltzen lagunduko digu.
"Amaren eskuak" filmaren aurrerapena
Baleuko ekoiztetxeak Karmele Jaio idazlearen liburuan oinarritutako “Amaren eskuak” filma aurkeztuko du Donostiako Zinemaldian. Mireia Gabilondoren zuzendaritzapean eta Josu Bilbaoren gidoiarekin, Ainara Gurrutxaga eta Loli Astoreka aktoreek datorren asteartean, irailak 24, aurkeztuko dute film luzea Donostiako Zinemaldiko Zinemira sailean. Eta hilaren 27tik aurrera izango da ikusgai hainbat zine aretoetan; tartean Getxo Zinemetan, Algortako kirol portuan. "Amaren eskuak" filmak bizitzaren inguruan hausnartzen du, biziaren zentzuan eta pertsonen garrantzian oinarrituz. Gaur egungo jendarteko hainbat errealitate ikusarazten ditu: "filma ikusten duen inor ez du epel utziko", pelikularen arduradunek adierazi dutenez. Argazkiak: © "Amaren eskuak" filma.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun