Euskal Herria Eguneko kartela (jpg)
Euskal Herria Eguna ospatuko dute bosgarren urtez, hilaren 28an, Lizarran; iaz Algortan ospatu ostean. Bai Euskal Herriari herri ekimenak antolatu du jaialdia eta aipatu herrietako zein Ibarrako lagunek sustatu dute. Hain justu, Bizkaia aldetik autobusa abiatuko da goizeko 9etan. Itzultzeko ordua doazenen artean erabakiko da. Dena den, bertan lo egin nahi dutenak aukera izango dute ere bai (canpinga...). Hilaren 25era arte izena eman ahal izango da Abian Kultur Elkartean, Algortako Bidebarri kalean. Argazkian, Lizarran ospatu zuten irailaren 18an 2010eko Euskal Herria Eguna / © Euskal Herria Eguna.
Besteak beste, familia giroa lehenetsi nahi dute antolatzaileek. Adin guztietarako ekitaldiak izango dira. Gainera, egun osoan zehar umeentzako jolasak egongo dira, gurasoak lasai gozatu ahal izateko. Horretaz gain, "Lizarratik toalla eta bainujantzia eramateko (ez dakigu ze sorpresa duten prest)" abisatu dutela jakinarazi dute Algortako sustatzaileek. Egitarauaren barruan Garraxika, Erasoka eta Jarrera Algortako taldeek joko dute, Lizarra eta Ibarrako beste talde batzuekin batera.
Euskal Herria Eguneko kartela (jpg)
Euskal Herria Eguneko kartela (jpg)
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun