Bainu eremuen osasun egoera dela eta, Eusko Jaurlaritzako Osasun Sailaren Bizkaiko Lurralde Ordezkaritzak "kontuz bainatzea" aholkatu die Areetako hondartza erabiltzen dutenei. Zehazki, Areetako uretan hamar edo hamabost minutu baino gehiago ez ematea gomendatu du aipatu erakundeak. Osasun Sailak gaur kaleratu du Bizkaiko Bainu Eremuen Kontrol Sanitariorako Programaren eguneraketa eta Areetako hondartzaren bainurako uraren kalitatea "nahikoa" dela antzeman du, eskualdeko beste hareatza guztietan "bikaina" den bitartean. Gainera, Areetan, hondartzaren egoera sanitarioa "hobegarria" dela azaldu dute Osasun Saileko ikerlariek. Eskualdeko beste hareatzen egoera, berriz, "ona" da eta bainua eragozpenik gabe eman daiteke. Ur laginak pasa den astelehenean hartu zituzten. Argazkian, Areetako hondartza artxiboko irudi batean / cc-by Javier Mediavilla Ezquibela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun