Tenperaturei dagokionez, tenperatura normalak aurreikusi dituzte: 8,7 gradu barnealdean (Gasteiz) eta 12,6 kostaldean (Bilbao). Abendua gerturatu ahala, hotz gehiago egingo du. "Atmosferak denbora gutxiago behar du hozteko berotzeko baino, eta hori dela eta, iraila eta urria bitartean, eta inguruaren arabera, termometroak 5 eta 6 gradu artean jaistea espero da", gaineratu du.
Amaitzear dagoen uda ere normala izan dela esan du Martinek. Hala ere, hiru garai ezberdin egon direla azpimarratu du. Uztaila beroa izan da, abuztuan tenperaturak jaisten joan dira eta iraila hotzetik igaro da.
Igandean, 22:42an, hasiko da ofizialki udazkena. Eta udako giroarekin hasiko da, iganderako eguzkia eta tenperatura altuak iragarri dituzte eta. Hobekuntzak, ordea, ez du asko iraungo. Asteartean bertan okerrera egingo du eta urte sasoi honetan normala den giroa itzuliko da. AEMETek dionez, "udazkena normala izango da Euskadin eta ohiko moduan egingo du euria". Ez da ahaztu behar, udazkena dela euri gehien egiten duen urtaroa. Margarita Martin AEMETek Euskadin duen ordezkariak datozen hiru hilabeteetarako eguraldiaren iragarpena egin du gaur EITBrako. Aztertutako eredu guztiek udazken normal bat iragartzen dutela esan du Martinek. "Euskadin udazkenean euria egitea da normala, batez ere kostaldean. Gasteizen baino euri gehiago egiten du han", adierazi du. Gainera, azaroan eta abenduan urrian baino euri gehiago egiten du. Argazkia: cc-by-sa aiaraldea.com.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun