Estiballes eta Onintza Enbeita arituko dira Plentziako Esaera Zaharren Txapelketan
Larunbatean, Esaera Zaharren Txapelketaren laugarren edizioa egingo dute Plentzian. Ohi bezala, goizean sailkatze fasea egingo dute hiribilduko tabernetan inguruetako musikari eta bertsolariek lagunduta. Herri bazkariaren ostean, berriz, ibilbide bakoitzeko talderik onenak lehiatuko dira, Arkaitz Estiballes eta Onintza Enbeita bertsolariek abestuko dituzten bertsoetan ezkutatuko diren atsotitzak asmatu gurean. Txapelketan parte hartzeko izen emate epea gaur amaituko da eta, hortaz, azken interesatuek Goñi Portal kultur etxera edo La Kala tabernara jo beharko dute. Horiek, bost euro ordaindu beharko dituzte eta, beste hamar jarriz gero, bazkari txartela ere eskuratuko dute. Bestalde, Internet bidez ere egin daiteke inskripzioa, esaerazaharrakplentzian@gmail.com helbide elektronikora mezu bat bidaliz edo Facebookeko Esaera Zaharrak Plentzian profilaren bitartez. Argazkian, Onintza Enbeita.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun