Bihar zortzi, urriaren 1ean, merkataritza elektronikoari buruzko prestakuntza eta informazio saioa eskainiko du Algortan Kontsumobide Kontsumoko Euskal Institutuak. Hitzaldia Algortako Villamonte kaleko kultur etxean egingo dute, 17:00etatik 18:30ak arte eta sarrera doakoa izango da. Saioan, “e-Kontsumitzailea, informa zaitez!” prestakuntza-kanpainaren harira, hainbat gai jorratuko dira, besteak beste, kontsumitzailearen eskubideak eta betebeharrak merkataritza elektronikoan; merkatarien informatzeko betebeharrak; kontratazio baldintzak legearen arabera; erosketa segurua (ordainketa-erak, datu-babesaren politika, berme-zigilua, e-merkataritzako enpresak kontsumoko arbitrajearen kide egitea) eta, erosi ondoren, non eta nola erreklamatu. Informazio gehiago eta izena emateko Getxoko Kontsumitzailearen Informaziorako Udal Bulegora (KIUB) jo daiteke, Algortako Juan Bautista kaleko 6. zenbakian. Era berean, 944 660 111 telefonora deitu edo kiub@getxo.net posta elektronikora idatz daiteke. Argazkian, edonondik egin daitezke erosketa elektronikoak / cc-by-sa Ed Yourdon.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun