Datorren urrian, laugarren urtez zabalduko dute Leioako Berbalagun egitasmoan izen-emateko epea. Hori egin aurretik, baina, berbalagun taldeak lagundu, mintzarazi eta koordinatuko dituen dinamizatzailearen bila ari da Praktikatu, AEKren mintzapraktikarako saila. Uribe Kostako AEKk zabaldu duenez, lanpostua betetzeko eskaintza publikoa egin dute. Printzipioz, lana urriaren 1etik abenduaren 30era arte izango da, baina baliteke luzatzea. Hautagaiek euskaldunak eta informatikako oinarrizko ezagutzak izan beharko dituzte. Bestalde, lana lortzeko honako ezaugarriak baloratuko dituzte: EGA titulua edota baliokideak izatea, talde dinamizazioan edo antolaketan esperientzia izatea eta leioaztarra izatea. Interesatutakoek igandera arte izango dute curriculuma bidaltzeko aukera. Horretarako, praktikatu[abildua]aek.orgpraktikatu@aek.org posta elektronikora jo beharko dute, Leioako dinamizatzaile lan-postua. Argibide gehiago nahi izanez gero, 618 574 466 telefonora dei daiteke. Argazkian, Leioako berbalagunek iazko ikasturtean egindako aurkezpena.
Leioako Berbalagun ekimena tokiko udal euskara zerbitzuak, Lamia AEK euskaltegiak, Mastitxu udal euskaltegiak eta Berbalamiñe euskara elkarteak sustatzen dute.
Egitasmoak hainbat helburu dauka, tartean, Leioako euskaldunak elkar ezagutzea, euskararen praktikaren bidez norberaren euskara hobetzea eta euskarari eta euskaldunoi gune berriak eskaintzea. Gainera, orain bi urte, eskaintza indartu eta Gurasolagun programa ere sortu zuten Leioan, "transmisioari begira familientzako aldaera".
Gainera, azken urteotan, partaideek EHUko kredituak eskuratu ahal izan dituzte, bidaia eta egonaldietarako deskontuak, "Aizu!", "Argia" eta "Berria" argitalpenak merkeago, eta beste hainbat abantaila. Leioaz gain, Erandion, Getxon eta Uribe Kosta Mankomunitatean ere mintzapraktika egitasmoak daude. Iaz, 50 bat talde osatu ziren eskualdean, 360 mintzalagunekin. Guztira, Euskal Herrian, 5.000 baino gehiago dira egitasmo hauetan parte hartzen duten lagunak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Datorren urrian, laugarren urtez zabalduko dute 