APNABIn burutzen ditugun zerbitzu gehienak %100 diru publikoz betetzen dira. Hala ere, enpresak galera ekonomikoak argudiatzen ditu. Enpresa Batzordeak hurrengoa salatzen du: enpresak argudiatutako galerak kudeaketa okerraren ondorioa direla eta ez dituela kontutan hartzen ez erabiltzaileak ezta langileak ere. Urteetan zehar inolako kontrolik gabe dirua gastatzen egon dira, enpresaren etorkizuna eta gure lanpostuak kolokan jarriz.
APNABIn, 200 bat langile gara eta langileok eman behar izan diogu aurreko egoera honi erantzuna, lan gehiago eginez eta gutxiago kobratuz. Argi dago, haien kudeaketa ereduarekin jarraituz gero, gure eskubideak urratzen ari direla. Bitartean, kudeatzaileen soldatak gero eta altuagoak dira inolako kontrolik gabekoak; bide honetatik porrotera eramango dute enpresa, bitartean, egiten dituzten hutsegite laboralak abokatuen eskutan utziz.
Honen aurrean, Enpresa Batzordeak zera eskatzen du: enpresa honetan gardentasuna izatea eta benetan negoziatzeko borondatea erakustea. Langileok argi dugu, salaketa eta mobilizazio bidetik jarraituko dugula. Hori dela eta, hurrengo irailaren 26an 8etatik 12etara APNABIko langile guztiak lanuztea egitera deitzen ditugu.
Izan ere elkarretaratzeak egingo ditugu:
• Deustuko Iruña kaleko 5. zenbakian, 9etatik 10:30ak arte (Ikastetxearen aurrean).
• Deustuko Antonio Gezala Margolaria kaleko 1 eta 2 zenbakietan, 8etatik 12:00ak arte (bulegoetan).
• 10:30etan ikastetxetik bulegoetara manifestazio bat abiatuko da.
• 11:00etan Enpresa Batzordeko kideen adierazpenak Antonio Gezala Margolaria kalean.
APNABIko LAB eta CCOO
APNABIko langileok, Bizkaian autismo duten pertsonekin lan egiten dugunok, gaur egun dagoen Zuzendaritza Batzordeak eta kudeatzaileen taldeak eragin diguten egoera salatu nahi dugu. APNABIn enpresako lan hitzarmena dugu eta 2008tik lan hitzarmen berria negoziatzen ari gara akordio osoa lortu barik. Lan Erreformarekin enpresak jarrera guztiz aldatu zuen eta lan hitzarmenaren negoziazioarekin jarraitzeko onartu ezinak ziren 6 puntu ezarri nahi izan zituen. jakinda, azken Lan Erreformak aukera ematen diola lan hitzarmen hau desagerrarazteko eta langileok ditugun eskubideak suntsitzeko. Ildo horretan, APNABIk uztailan zehar langileoi jakinarazpen bat bidali zigun 2014ko urtarrilaren 1etik aurrera Espainiako lan hitzarmena inposatuko zuela esanez. Horren kontra gatazka kolektiboa epaitegian jarrita dago, gure lan hitzarmenaren ultraaktibitatea indarrean dagoelako. Argazkian, pasa den uztailaren 8an zabaldu zuen APNABIk Areetako egoitza / © APNABI.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun