Bestalde, Ongi Etorri bideragarria izan dadin hilean 15 euro jartzeko prest dauden 60 pertsona, familia, elkarte, koadrila... behintzat behar direla adierazi dute euskaldunon topaguneko arduradunek. "Azaro arteko epea daukagu bazkide kopuru hau lortzeko, oraingoz 30 gara... mesedez posible baduzu lagundu informazio hau zure ingurukoen artean zabaltzen", azaldu dute.
Esnetiken aurkezpen bideoa (© Esnetik kooperatiba)
Gaur, asteazkena, Esnetik kooperatibak aurkezpena egingo du Ongi Etorri Leioako euskaltzaleon topalekuan. Horrekin batera, Leioako kontsumo taldea ere ezagutaraziko dute. Ekitaldia Iturribide kaleko 7. zenbakiko lokalean (Kultur Leioa alboan) egingo dute, arratsaldeko 8etan. Esnetik irabazi asmorik gabeko esnekien ekoizpen eta kontsumorako kooperatiba mistoa da. "Gure helburua, baserrietako lana duin bihurtuz eta natura errespetatuz, kalitatezkoak, osasungarriak eta eskuragarriak diren elikagaiekin, etikaren bitartez bideratutako ekintza bat sortzea da. Era berean, Euskal Herriko nekazal eta baserri ohiturak eta kultura sustatuz. Horretarako, gardentasunez eta gure bazkideen parte-hartze aktiboa indartuz, pertsona ekoizle eta kontsumitzaileekin harreman zuzena, tokian tokikoa eta elkarbanakako konfiantzan oinarritua ezarri nahi dugu", azaldu dute arduradunek. Argazkia: cc-by-sa Goiena.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun