Libre Eguneko kartela (jpg)
Igande honetan, irailak 29, Libre Eguna egingo dute Lekeition, urrian hasiko diren makroepaiketetan auziperatutakoak antolatuta. Bertara joateko, eskualdetik autobusak izango dira: besteak beste, goizeko 9etan aterako da Algortako Telletxe kaletik eta 20:30ean bueltatuko da Lekeitiotik. Abian kultur Elkartean izena eman daiteke. Sopelatik 8:45ean aterako dira eta itzulera arratsaldeko 20:30etan izango da, izen-ematea Mikelatsen egin daiteke.Leioan, berriz, Kurkudi herriko tabernan eman daiteke izena. Aurretik, hilaren 27an, iraileko azken ostiralarekin bat eginez, preso eta iheslari politikoen aldeko elkarretaratzeak izango dira Euskal Herri osoan. Algortan, Herrira bilgunearen gonbitea onartuz, Libre Getxon ekimenak luzatu du kontzentraziorako deialdia. Hitzordua 20:00etan jarri dute, Telletxe plazan. Azkenik, larunbat honetan, hilak 28, "Egia bide, askatasuna amets" ekitaldi nazionala izango da Zarautzen, 18:00etan, Estatuen aldetik indarkeriaren bat pairatu duten hainbat pertsonek deituta. Argazkian, hilaren 15eko estropadetan eskuorriak banatu zituzten Libre Getxon ekimeneko kideek / cc-by Libre Getxon.
Datorren urriaren 14tik aurrera, Xabier de la Maza Peña gazte gorliztarra epaituko dute Espainiako Auzitegi Nazionalean beste 39 neska-mutilekin batera. Bakoitzarentzat seina urteko espetxe zigorra eskatu du fiskalak, Segi gazte erakunde ilegalizatutako kideak izatea egotzita. Horretaz gain, urriaren 17an abiatuko dute "herriko tabernen" auzia: 36 akusatuen artean dira Jose Luis Franco eta Maite Amezaga algortarrak eta Izaskun Barbarias urduliztarra. Hainbat urtez Getxoko Udalean lan egin eta PPk bertatik kaleratu nahi izan zuen Sabin del Bado sondikarra ere auziperatuta dago sumario honetan.
Libre Eguneko kartela (jpg)
Libre Eguneko kartela (jpg)
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun