UK Martxaren kartela (jpg)
2013ko UK Martxaren abestia
Urriaren 4tik 5era bitartean, ikasturte berri honetako lehenengo ekimen nagusia egingo du Uribe Kostako Ernaik; UK Martxa, hain zuzen ere. Horretan, "burujabetzaren alde" kokatzen den eskualdeko gazte blokea irudikatu nahi dute. "Honez gain, formakuntzarako eta elkar harremanetarako esparru gisa erabili nahi dugu", antolakundetik azaldu dutenez. Horregatik, Plentziatik Erandiorako bidean, ekimen ezberdinak egongo dira: hitzaldiak, tailerrak… eta nola ez, azken eguneko ekitaldia eta kontzertuak Guda Dantza, Izargi eta talde sorpresa baten eskutik. Hilabeteak pasa dira Hego Euskal Herrian Ernai gazte antolakunde berria jaio zenetik. Martxoaren 2ko goiz eguzkitsuan, Lizarrako herrian "euskal gazteriak borrokarako hautua" egin zuen, hilabeteetan zehar izandako Zukgua prozesu eratzailearen amaitutzat emanez. "Antolakuntzaz, Euskal Herri aske, feminista eta sozialista eraikitzen hasi ginen", Uribe Kostako Ernaik adierazi duenez. Argazkian, UK Martxaren aurreko edizioetako bat, artxiboko irudian.
"Eskualde honetan, gazte asko izan gara Euskal Herriaren alde borrokatzeko erabakia hartu dugunok. Urte honetan, antolakuntzaren inguruko eztabaida sakonak abian jarri ditugu, herri bakoitzak bere berezitasunak kontutan hartuz eta horrekin batera eskualdearen egoera identifikatu eta ikasturte honetarako borrokak zehaztu ditugu", azaldu dute.
UK Martxaren kartela (jpg)
2013ko UK Martxaren abestia
UK Martxaren kartela (jpg)
2013ko UK Martxaren abestia
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun