Urriaren 1ean, asteartea, ingurumen teknikari batek emango duen hitzaldian birziklatze sistema horren inguruan sortu daitezkeen zalantza guztiak argituko ditu. Topaketa hau Sertutxena eraikinean izango da, 19:00etatik aurrera. Aldi berean, urriaren 7 tik 12ra bitartean stand ibiltari bat jarriko dute Iberrebarri plazan eta Itxasbide kalean. Gune horietan txosten informatiboak banatuko dira eta izen emateak kudeatuko dira. Ordutegia astelehenetik ostiralera, 17:00etatik 20:00etara izango da. Urriaren 12an, larunbata, stand-a 11:00etatik 14:00etara bisitatu ahal izango da. Aste horretan zehar gainera Gorlizko elikadura eta ostalaritza saltokiek kanpainari buruzko informazio guztia jasoko dute.
Parte-hartzea
Hasiera bateko izen emate epea irailaren 30etik urriaren 22arte luzatuko da. Egun horretan bertan parte-hartzaile guztiek ontzi batez, birziklatze poltsez, edukiontzi marroiak zabaltzeko giltza batez eta birzikla daitezkeen hondakinak zehazten dituen hozkailuan jartzeko iman batez osatutako kit-a jasoko dute. Sorta hori Sertutxena eraikinean jaso ahal izango da 19:00etatik aurrera.
Egunero etxeetan eta saltokietan sortzen diren hondakin organiko konpostagarriak botatzeko edukiontzi marroiak jarriko ditu kaleetan Gorlizko Udalak. Bizkaiko Foru Aldundiarekin batera, “Berdea, marroira” sustapen-kanpaina abian jarri du tokiko erakundeak. Horren barruan, ostiral honetatik aurrera, urriaren 22ra arte, fase desberdinetan banatuta dauden hainbat promozio, sentsibilizazio eta atxikimendu ekintza egingo dituzte. Hasiera batean udalerriko auzotarrek haien etxeetan konpostajea eta edukiontzi marroiari buruzko oinarrizko dokumentazioa eta kanpainari buruzko informazio zehatza jasoko dute. Horrez gain, Gorlizko hainbat lekutan informazio kartelak jarriko dituzte. Aldi berean, kanpainaren web orrialdea (www.gorlizberdea.com) martxan jarriko dute, bertan hondakin organikoen birziklatze sistema berri honen zehaztasun guztiak azalduko direlarik. Adibidez, konpostajearen onurak, edukiontzi marroira bota daitekeena eta ezin daitekeena zehazten da eta birziklatzeko modu honen xehetasunak azaltzen dira. Gainera, web orrialdearen bitartez, kanpainak parte hartu nahi duen edonork era errez batean izena emateko aukera izango du. Argazkian, Urdulizen maiatzaren 8an aurkeztu zuten ekimena Jose Mari Gondra Ingurumen zinegotziak eta Javier Bilbao alkateak / © Urdulizko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun