Ikasturte berriarekin batera, martxan da berriro ere Sopelako berbalagun egitasmoa. Aurtengoa zazpigarren ikasturtea da. Hain zuzen, Euskal Herri osoan ezaguna den fenomeno horrek Sopelan ere indarra hartu du. Iaz bost talde ibili ziren berbalagun egitasmoan. Helburua euskaraz hitz egiteko ohitura duten pertsonak euskaraz hitz egiteko ohiturarik ez dutenekin elkartzea da. Horrez gain, berbalagun guztiak bilduko dituzten ekintzak ere antolatuko dira, ikastaroak, txangoak, hitzaldiak… modu horretan, euskararen harreman sareak gehiago zabaltzeko. Taldeen jarraipena egiteko, ekintzak antolatzeko, arazoak konpontzeko, informazioa zabaltzeko zein zalantzak argitzeko arduradun baten laguntza izango da. Informazioa jasotzeko edo izena emateko 688 849 810 telefono zenbakira dei daiteke edo UKberbalagun[abildua]gmail.com helbide elektronikora idatzi. Argazkian, "Euskaraz bizi nahi dut" kanpainaren barruan, herri lasterketa egin zuten irailaren 22an Sopelan / © Sopela.net.
Hizkuntzaren ikaskuntzan, ahaztu ezin daitekeen kontua da ikasitakoa praktikan jartzea. Ez da gauza berria; euskara praktikatzeaz gain, jende berria ezagutu, euskararen munduan murgildu eta, azken finean, euskaraz bizitzeko aukera izango du berbalagun taldeetan izena ematen duenak. Helburua euskaraz hitz egiteko ohitura duten pertsonak euskaraz hitz egiteko ohiturarik ez dutenekin elkartzea da. Bertan, euskaraz hitz egiten duen edozeinek har dezake parte: euskaldun zaharra, euskaltegiko ikasle ohia edo azken mailetako euskaltegiko ikaslea... Horretarako, lau, bost edo sei laguneko taldeak sortzen dira, euskaldun zaharrak eta berriak elkartuz. Hasieran astean ordu betez geratzea adosten bada ere, gero taldekideek, beraiek, aukeratzen dute non eta noiz gelditu, zer egin eta abar.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun