EHUko ikasleek aukera askeko kreditu bat edo graduko kreditu bat lortuko dute parte hartuz gero. Bestalde, antolakuntzan parte hartuko duten boluntario guztiek kreditu bat lortuko dute. Horretarako, datorren asteartea, urriak 1, baino lehen apuntatu beharko dira arestian aipatutako
tokietan.
Leioako campusetik Zamudiora arteko ibilaldia antolatu du urriaren 6rako EHUk
EHUko Bizkaiko Campuseko Errektoreordetzak eta Aisiatek Zamudioko parke teknologikoko kultur eta aisia elkarteak Jakintzaren Bidea izeneko martxaren zazpigarren edizioa antolatu dute urriaren 6rako. Ibilaldia goizeko 9:30ean hasiko da Leioa eta Erandioko campuseko kiroldegian eta Zamudioko parke teknologikoan bukatuko da, 17 kilometro ibili ondoren. Izen-ematea derrigorrezkoa eta doakoa da, eta EHUko Bizkaiko Kirol Zerbitzuan, rovdepor[abildua]lg.ehu.es helbide elektronikoan edo EHUko Informazio Bulegoan (Larrako-Etxea eraikina. Lehendakari Agirre Etorbidea 83, Bilbo, Sarrikoren ondoan) gauzatu ahal izango da, hilaren 4ra arte. Ohiko garraio publikoaz gain, martxaren irteerara joateko (8:30ean) eta helmugatik itzultzeko autobusak egongo dira Astrabuduako metro geltokian. Argazkian, Jakintzaren Bidea ibilaldiko aurreko edizioetako bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun