"Getxo Aquarium Estatuan dauden zentroetatik 10 onenen artean dago eta 2012an 18.165 lagun igaro ziren bertatik", udal iturriek adierazi dutenez. Akuarioak bi alde ditu, 300 espezie baino gehiagorekin. Bata Atlantikoko ekosistemei dago dedikatuta, tartean Bizkaiko Golkokoa dela, eta bestea tropikalei. Kirol Portuko instalazioetan itsas biotopo askotarikoak daude, alga eta arrainez beteriko hogei bat andeletan, hurbilekoak zein tropikal exotikoak diren espezie, anemona edo krustazeoz betetako andeletan.
Getxo Aquarium bisitatzeko ordutegia ohikoa izango da aurrerantzean ere, hau da, asteartetik igandera bitartean, 10:30etik 13:30ak arte goizetan, eta 16:30etik 19:30ak arte, arratsaldetan. Sarrera arrunt batek (taldekoa ez denak) 3 euro kostatzen du 14 urtetik gorakoentzat, 2 euro 14 urtez azpikoentzat, eta 2,5 euro pentsiodun, erretiratu eta pertsona elbarrituentzat.
Getxo Aquarium-ak ateak zabalduko ditu berriro bihar arratsaldean, hilak 27, jendeak, oro ohar, udal ekipamendu horretan erakusten diren itsasoko ekosistema eta biotopoez gozatzen jarrai dezan. Horregatik, Keltse Eiguren Ingurumen zinegotziak gaur bertan aipatu duenez, “bihartik aurrera herritarrek, oro ohar, akuarioan erakusten diren ekosistemen aberastasun eta edertasunaz gozatu ahai izango dute. Halere, ateak berriro zabalduko diren arren, bertako hiru biztanle paregabe faltako dira, oraingoz: Tokero, Pirritx eta Mantxitas momarrak. Beren osasuna eta ongizatea zaindu aldera, Getxotik kanpo baitaude, nahiz eta egun gutxi barru etxera itzuliko diren, bizileku duten arrainontzia konpondu bezain laster”. Hartara, joandako urtarrilean gertatutako sutearen eraginez zortzi hilabetez itxita egon ondoren, instalazioen zati bat kaltetu baitzituen, ateak berriro irekitzeko beharrezkoak ziren lanak amaitu dira. Argazkian, suhiltzaileak Getxoko Kirol Portuko akuarioan / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun