Itzubaltzeta / Romoko Errekagane kaleko etxe bateko auzokideak kalera irten behar izan ziren atzo goizaldean, atariko etxebizitza batean sutea piztu izanaren eraginez. Izan ere, Eusko Jaurlaritzako Segurtasun Sailak albiste-agentziei jakinarazi dienez, sua igandeko 00:30ak aldera hasi zen etxebizitza bateko koltxoian. Horrek ke handia sortu eta alarma piztu zuen egoiliarren artean, presaka etxetik irten zirenak. Suhiltzaileek koltxoitik irten ez zen sutea amatatu eta etxebizitzak aireztatzeari ekin zioten, goizaldeko 1:30erako amaitu egin zutela. Ondoren, auzokideek etxebizitzetara bueltatu zuten, sutea piztu zen apartamentuko jabea izan ezik. Izan ere, Gurutzetako ospitalera eraman zuten osasun zerbitzuek, bertan azterketa medikua egin ziezaioten. Halere, erredurarik ez zuela eta kea arnastu ez zuela zabaldu du Segurtasun Sailak. Argazkian, Artatzako suhiltzaileak artxiboko irudi batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun