Gobernu espainolak bere "dinamika guztia" kriminalizatu nahi duela salatu du Herrirak

Guardia Zibilaren operazioaren harira Herrirak oharra kaleratu du eta bertan salatu du Estatu espainolak bere "dinamika guztia" kriminalizatu nahi duela, Naiz.info agerkari digitalak zabaldu duenez. Mugimendua duela urte eta erdi sortu zela gogora ekarri du eta denbora horretan bere aldarrikapenak mahaigaineratzen jakin duela nabarmendu du, bai Euskal Herrian, bai Europan. Herriraren iritziz, Estrasburgoko Giza Eskubiden Auzitegiaren ebazpenaren "zain gaudela", gaurko atxiloketek erakusten dute "Estatu espainiarraren nahia eta ezkortasuna bake prozesu honetan". Bere lana "euskal preso eta iheslarien eskubideen aldekoa" eta "bake prozesuaren aldekoa" dela adierazi du. Argazkian, EAko militanteak "Alde hemendik" pankarta ipintzen goardia zibilak Bilboko Herrira egoitzan dauden bitartean / cc-by-sa Sustatu.com.