Guztira, 14 txokok hartu zuten parte joandako larunbatean, hilaren 28an, Algortako San Nikolas edo Txiki eta Otaegi plazan egindako lehiaketan, jai eta lagunen arteko giroan. Gauzak horrela, laugarren edizio honek orain arte partaidetza handiena izan duena da.Ekimena Bacalao Giraldo, Hermeneus, Obrador Asua-Berri, Trastienda gastronomica, Bodegas Virgen de Lorea (Aretxaga eta Señorio de Otxaran txakolinak) eta Viña Izadi (Garmendia representaciones) enpresek babestu dute.
Epaimahaikideak, “Baskook”-eko Aitor Elizegi, Artxandako Goi Mailako Ostalaritza Eskolako Igor Ozamiz sukaldaria, Txemi Santamaria Leioako Ostalaritza Eskolako zuzendaria eta Adolfo Oleagagoitia Bacalao Giraldoren zuzendari komertziala izan ziren. Haien ustez, "aurkeztutako kazolen kalitatea handia izan da eta irabazleen arteko aldea puntuaziotan oso estua izan da".
Getxoko Udalak udalerriko kaleak sustatu eta dinamizatzeko Getxo AktibaTu” programaren barruan kokatu du lehiaketa.
Algortako Areatxu txokoak irabazi berri du Getxoko Udalak antolatutako “El Secreto de sus Txokos” delako lehiaketaren laugarren edizioa. Horretarako, pil-pil erako bakailao kazola aurkeztu zuten. Bigarren tokia Algortako Amezti-ondo soziedadearentzat izan da eta hirugarrena Itzubaltzeta / Romoko Irakatsi Jan txokoarentzat. Horiek guztiek La Trastienda Gastronomica eta Hermeneus enpresek emandako delicatessen produktu-sorta bana jaso dute. Halaber, beste sei txokok Bodegas Izadik eskainitako ardo-sorta bana jaso dute, lehenengo aldiz lehiaketako parte-hartzaileen artean egin den zozketan. Argazkian, Areatxu txokoko kideak, Josu Loroño zinegotzia eta Imanol Landa alkatearekin / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun