Herriraren jarduera, bi urtez etenda
Herrirak bere maitasuna agertu dizkie atxilotu guztiei, haien senideei eta gertukoei eta "bereziki, Oskar militantziakide eta lagunaren senideei besarkadarik handi eta beroena" bidali diete. Gogoratu dutenez, Herrira mugimendua orain bi urte sortu zen, "eta bere ibilbide osoan zehar preso eta iheslari politikoen" eskubideen alde lanean ibili da. Gaurkoan, berriz, "lanean jarraitzeko" konpromisoa hartu dute Herrirakideek auzotarren aurrean: "Euskal Herriko plaza eta kaleek entzungo dituzte gure errebeindikazio legitimoak", eman dute hitza. Beranduago jakin da Eloy Velasco epaileak bi urtez eten duela Herriraren jarduera.
Itzubaltzeta / Romon ohartarazi dutenez, gaur bezalako operazio polizialek "ez dute lortuko preso eta iheslari politikoen eskubideen aldeko borroka ezerezean uztea. Ez dute lortuko elkartasuna debekatzea. Azken preso politikoa kalean egon arte, azken errefuxiatu eta iheslaria etxean gertukoekin izan bitartean, herri honetan eta auzo honetan haien eskubideen aldeko borroka izangoda. Ez ditugu inoiz bakarrik utziko", zin egin dute presoen aldeko plataformako kideek.
OHARRA: Oskar Sanchez Setien atxilotua itzubaltzetarra da eta ez algortarra, eguerdian UKBERRI.NETek adierazi bezala. Hainbat urteetan, baina, abokatuak bizitza soziala egin du Algortan. Barkamena esaktzen diegu Sanchezen senideei, gertukoei eta irakurle guztiei
Herriraren aurkako sarekada argazkitan
Gaueko 22:00etarako, Bilbo, Gasteiz eta Iruñean Herrirak dituen egoitzen miaketak bukatu eta handik 8 atxilotu eraman ditu Guardia Zibilak, goizean zabaldutako sarekadaren harira. Aldiz, lerro hauek idaztean, Hernaniko bulegoa oraindik ari dira aztertzen poliziak, bertan goizean atxilotutako Herriraren beste 10 militante daudela, tartean Oskar Sanchez Setien abokatu itzubaltzetarra. Guztiak komunikazio egoeran daude eta atxilotu dituztenetik 72 ordutara "konfiantzazko abokatuarekin egoteko aukera izango dute eta Auzitegi nazionalera eramango dituzte", Itzubaltzeta / Romoko Herrira taldeak jakinarazi duenez. Adierazpenak 620 auzokide batu dituen "Elkartasuna ez da delitua! skar eta besteak askatu!" lelopeko martxaren ostean egin dituzte. Erandion ere, sarekadaren aurkako eta atxilotuen aldeko elkarretaratzeak egin dituzte. 60 lagun mobilizatu dira Altzagan eta beste 25 Astrabuduan. Datozen ordu eta egunotan, mobilizazio gehigotara deitu dute. Bihar, asteartea, prentsaurreko jendetsua izango da goizeko 11etan Bilboko Arriaga plazan, atxiloketak salatzeko. Bihar ere, 20:00etan manifestazioa izango da Itzubaltzeta / Romoko Kolas plazatik eta ondoren batzarra egingo dute. Mobilizazio hori egunero egingo dute, Sanchez eta beste atxilotuak Guardia Zibilaren esku egon bitartean. Azkenean, larunbatean nazio manifestazioa izango da Bilboko Aita Donostia plazatik abiatuta, 17:30ean. Ernaik UK Martxaren egitaraua moldatuko du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun