Halaber, eta Hezkuntza arloan ere, Getxoko Udalak 2013an beste hainbeste jarduerei sustapena eman die, besteak beste, Hasierako Lanbide Prestakuntzarako programei, Ingurumen Hezkuntzako Ibilbide Ekologikoen programari, Eskola-Igeriketari, azterketa garaietan ikasketa-gelak zabaltzeari, eskola orduez kanpo kirola egiteko zentroen instalazioak zabaltzeari, Eskola Antzerkiari eta Eskola Antzerki Jardunaldiei, edo giza edo interes publikoa duten ekimenak sustatzeari.
Musika Eskola
Andres Isasi udal Musika Eskolak, 2012-2013 ikasturtean, aurreko urteetan egindako inbertsio maila berberari eutsi zion. Hori, Josu Loroño zentroko presidentearen eta Komunikazio zinegotziaren ustez, “datu ona da egungo egoera ekonomikoa kontuan hartzen badugu”.
Loroñok gogoratu duenez, Udalak 30.000 euro inbertitu zituen Liburutegi-Fonotekaren funtsak gaurkotzeko, ekipamendu informatikoa berritzeko, apurtuta zeuden altzariak aldatzeko eta Musika Eskola beraren musika tresnen fondoa gaurkotzeko. Udalak, eskolari diru gehien ematen dion erakundea den aldetik, instalazioak berritu eta mantentze lan orokorrak egin ditu (instalazio elektrikoak, arotz-lanak, iturgintza lanak…), hori guztia Algortako Musika Eskola berriko eraikinean egindako inbertsioak dakarren apustu handia ahaztu barik.
Herriko ikastetxeetako mantentze lanetan, batez beste, 150.000 euro inbertitu ditu Getxoko Udalak
Getxoko Udalak, 2013. urtea hasi zenez geroztik, batez beste, 150.000 euro inbertitu ditu herriko 9 ikastetxetan egindako 20 mantentze lanetan, Kepa Miñambres Hezkuntza zinegotziak adierazi duenez. Lanak hurrengo ikastetxe publikoetan egin dira: Andra Marin (Saratxaga Haurrentzako zentroan ere), Zubilletan, Romon, Gobela ikastolan, San Ignacion, Larrañazubin, Geroa ikastolan eta Egunsentia haur-eskolan. Lanak egin ahal izateko Udalak aurreratu du dirua baina, ondoren, “Udalaguntza 2013” diru-laguntza programaren bitartez, Eusko Jaurlaritzari batera finantzatzea eskatuko dio. Miñambresek, aurreratu duenez, “legeak udalerriei ematen dizkien eskumenen arabera, Getxoko Udaleko Hezkuntza Unitateak Haur Hezkuntzako bigarren zikloko, Lehen Hezkuntzako edo Bereziko zentroen kontserbazioa, mantentzea eta zaintzea, eta hezkuntza administrazioekiko lankidetza ditu helburu nagusiak. Arlo horretan, hezkuntza zentroek egiten dituzten eguneroko eskaerei erantzuna ematen diegu eta beste udal arloekin zein beste hezkuntza erakundeekin, koordinazio lanak egiten ditugu”. Argazkian, Algortako Larrañazubi Haur eta Lehen Hezkuntzako ikastetxeko ikasle eta irakasleak, artxiboko irudian / © Eusko Jaurlaritza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun