"Aukeran… berdera!" da Getxoko Udalak eta Ecovidriok antolatuta, larunbatean, urriaren 5ean, abiatuko den kontzientziazio kanpainaren leloa. Bere helburu nagusia da, edukiontzi berdera zer bota behar den jakitea eta bildutako beira hondakin kopurua areagotzea, ondoren birziklatzeko. Bi urterik behin egiten den kanpainaren ekitaldi berrirako herritar orori zuzenduriko zenbait saio informatibo egingo dira Itzubaltzeta / Romo-Areetako Xake eta Algortako Telletxe plazetan. Izan ere, saioak honako egun hauetan egingo dira: larunbatean, hilak 5, Algortan 10:30etik 14:30era eta Romo-Areetan 17:00etatik 21:00etara; hilaren 8an, asteartea, Algortan 10:30etik 14:30era; hilaren 9an, asteazkena, Areetan 16:30etik 20:30era; hilaren 10ean, osteguna, Areetan 10:30etik 14:30era; eta hilaren 11n, ostirala, Algortan 16:30etik 20:30era. Kanpainaren oinarria iglu berdearen forma duen puzgarria da eta informazio gune bezala erabiliko da. Bere inguruan, helduentzat zein umeentzat, jendeak parte har dezan, jarduerak, jolasak eta tailerrak izango dira “edukiontzi berdean egiten den birziklatzea hobetzea ekarriko dutenak". "Izan ere, herritarren alderdi sortzaileena sustatuko da beirazko bitxiak, txapa originalak eta imanak egiteko tailerren bitartez”, esan du Keltse Eiguren Ingurumen zinegotziak. Argazkia: © Getxoko Udala.
Eigurenek gaiaren inguruan adierazi duenez, “gaur egun, gai hau menderatzen dugula uste badugu ere, estatistikek erakusten digutenez, oraindik asko eta asko dira edukiontzi honetan agertzen diren akatsak, bertara behar ez direnak botatzen direlako. Hartara, aukera aparta da edukiontzi berdean utzi behar ditugun ontziak zeintzuk diren gogoratzeko, hiru ekintza atsegin eta parte-hartzaile ezberdinen bitartez. Jarduera horietan, herritarrak edukiontzi berdera zer bota daitekeen -beirazko ontziak soilik- eta zer ezin den bota bereiztuko du -edalontziak, zermikazko katilu zein platera, bonbilak…”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun