Uribe Kostako bertsolaritzari buruzko ikastaroa antolatu du Algortako Bertsolari Eskolak (ALBE). Fredi Payak idatzitako "Uribe Kostako Bertsolaritza (1900-1980)" liburua izango du oinarri, eta algortar bertsolaria bera izango da ikastaroaren gidaria. Gure eskualdeko herrietako koplak, ipuinak, pasadizoak, kantak, eta abar landuko dira. Ikastaroak hamar saio izango ditu: urriak 29, azaroak 26 , abenduak 17, urtarrilak 28, otsailak 28, martxoak 11, martxoak 25, apirilak 29, maiatzak 13 eta ekainak 3; 20:00etatik 22:00etara. Lehenengo lau saioak Algortako Aldai patronatuan izango dira, hurrengo hirurak Leioako Ondiz dorretxean eta azkenak, ordea, Erandioko postetxe zaharrean. Izena emateko eta informazio gehiago jasotzeko: albegetxo[abildua]gmail.com / 605 704 385. Prezioa 20 eurokoa da eta liburuaren ale bana oparituko zaie parte hartzaileei. Urriaren 25era arte egongo da izena emateko aukera. Argazkian, Fredi Paya bertsolari algortarrak zuzenduko du ikastaroa / cc-by-nc-nd Bizkaiko Bertsozale Elkartea - UKBERRI.NET.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun