Nolanahi ere, horrelako espekulazioetan sartu gabe, Etxerat elkarteak auzitegiaren ebazpen positibo bat espero du. "Izan ere, aldeko ebazpen honek oinarrizko eskubideen errespetua eta batez ere askatasun eskubidea errespetatzea suposatuko luke. Gainera, hori adierazi zuzen jada Estrasburgoko Auzitegiak eta erabakia mantenduko duenaren esperantza osoa dugu", adierazi du.
197/2006 doktrinaren gaineko erabakiaren filtrazioa Estrasburgo "presionatzeko kanpaina" dela salatu du Etxeratek
Etxerat elkarteak ohartarazi du abokatuek ez dutela inolako jakinarazpenik jaso 197/2006 doktrinaren inguruan Estrasburgoko Auzitegiak hartuko duen erabakiaren inguruan eta "are gutxiago ebazpena zer nolakoa izango den dioenik". Izan ere, besteak beste, "La Razon", "ABC" eta Ser kateak zabaldu dute Estrasburgok "Parot doktrina" bertan behera utziko duela gutxira, eta horrek euskal preso politiko askoren berehalako askatasuna eragingo lukeela. Etxeratek, ordea, ez die inolako sinesgarritasunik ematen filtrazio horiek kaleratu dituzten hedabideei: "badakigu zein ildo editorial jarraitzen duten, eta bai 197/2006 doktrinaren alde eta euskal preso politikoen aurkako salbuespen neurrien alde egiten dute beti". "Eta gainera, PP-ko gobernuak eskatu bezala, beraien baliabideak erabili dituzte presio egiteko eta honela Estrasburgoko ebazpena Espainiako gobernuaren aldekoa izateko. Filtrazio hauen inguruko balorazioren bat egin beharko bagenu, honakoa izango litzateke: honakoa alarma soziala sortuz, Estrasburgoko Auzitegia presionatzen saiatzeko kanpaina bat dela", salatu du preso politikoen senideen elkarteak. Argazkian, maiatzaren 4ean Iñaki Gonzalo Casal "Kitxu" preso politiko itzubaltzetarra zen kalera ateratzekoa, 197/2006 doktrina aplikatu aurretik / cc-by Algortako Herrira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun