Bidezko Merkataritzari buruzko informazio-jardunaldia izango dute Getxoko merkatariek
Getxoko Udalak “Bultzatu zure saltokia bidezko merkataritzarekin” izeneko informazio-jardunaldia antolatu du urriaren 16rako, asteazkena, 14:30ean Getxo Elkartegian (Ogoño kalea 1, Areeta). Helburua Bidezko Merkataritzaren jatorria, aktoreak, joerak eta merkatuaren jarrerak azaltzea da, kasu praktiko bat (kafea) aztertzeaz gain, hau da, salmenta-estrategiak, banaketa eta merkaturatzea eta prezioak. Produktuaren dastatzea ere izango da eta, amaitzeko, Bidezko Merkataritzako produktuak merkaturatzeko hurbileko bi esperientzia arrakastatsu aurkeztuko dira. Getxo da Bidezko Merkataritzaren Hiria titulua duen mundu guztiko 1.000 udalerrietako bat; hori hala izanik, Udala kanpaina bat egiten ari da eta, haren bitartez, "herritarrak sentsibilizatu eta kontzientziatu nahi ditu kontsumo arduratsuaren ohiturak praktikan jartzearen beharraren inguruan Bidezko Merkataritzako produktuak erosiz eta Garapen Iraunkorrari laguntzeko, Hegoaldeko txirotutako herrialdeetan bereziki". Argazkian, Itzubaltzetako hainbat tabernarik Pintxo Potea ekimena aurkezten / © Getxoko Udala.
Bidezko Merkataritzaren kontsumoa %6 handitu zen 2012an estatu espainiarrean 28 milioi eurora (herritar bakoitzaren gastua 0,60 euro) heldu arte, krisi-testuinguru batean egon arren. Nolanahi ere, Europako ratioa 5 eurokoa da biztanleko eta urteko, nahiz eta Erresuma Handian edo Suitzan, esaterako, 28 eta 29 eurokoa izan hurrenez hurren; horrek agerian uzten du zabaltzen ari den merkatua dela. Hori dela eta, oso interesgarria da saltoki txikientzat. Informazioa 944 660 140 telefono zenbakian edo getxolan[abildua]getxo.net posta elektronikoan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun