Bigarren atxiloketa ordu bete beranduago izan zen, 7:47ak aldera. Udaltzainen arabera, Ollarretxe kaletik zebilen auto baten gidariak debekatutako maniobra arriskutsua egin zuen, Elorri kalera sartzeko debekatutako bira emanez, Poliziaren auto bat kale beretik kontrako norabidean joaten zen unean. Udaltzainek ibilgailuaren gidaria, 27 urtekoa, salatu zuten. Horrek alkoholemia kontrolean aurreko atxilotuak emandako emaitza berbera eman zuen. Bi kasuetan bide segurtasunaren kontrako delitua egotzi zieten aipatutako gidariei eta epailearen esku utziko dituzte datorren astean, epaiketa arinak egingo dizkietela.
Era berean, igande goizeko 11:30ak aldera, 22 urteko gidari baten kontrako salaketa administratiboa jarri zuten Getxoko toki poliziek, baimendutako alkoholemia tasa baino altuagoarekin gidatzeagatik, 0,54mg/i, alegia.
Ertzaintzak eta Getxoko Udaltzaingoak hiru pertsona atxilotu dituzte pasa den asteburuan Uribe Kostan, alkoholaren eraginpean gidatzen zutelakoan. Eusko Jaurlaritzako Segurtasun Sailak zabaldu duenez, lehenengo atxiloketa larunbatean izan zen, Berangoko udalerrian. Halere, Ertzaintzak ez du datu gehiagorik eman. Bestalde, Getxoko Udaltzaingoak 31 eta 27 urteko gizonezko bana atxilotu zuen igandean Algortan, bide segurtasunaren kontrako delitu bat egotzita, ustez baimendutako alkohol tasa gainditzeagatik gidatzean. Lehenengo atxiloketa goizeko 6:45a aldera izan zen Algortako Euskal Herria etorbidean. Udaltzainei bertatik zihoan ibilgailu batek arreta deitu zien, errepide horretarako egokia ez ei den abiaduran joateagatik, ibilbide irregularragatik eta automobilaren ihes-tutuak isilgailurik gabe izateagatik. Autoa gelditu ondoren, poliziek alkoholemia froga egin zioten 31 urteko gidariari edari alkoholikoen eraginpean egotearen seinaleak zituelakoan. 0,83mg/l emaitza eman zuela zabaldu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun