Euskal Herrian abagune politiko berri baten aurkitzen garen honetan, gure herriko gehiengo sozial, politiko eta sindikalak gatazkaren konponbidearen aldeko jarrera azaleratu duen honetan, espainiar eta frantziar gobernuek errepresioaren bidetik jarraitzearen hautua egin dute, gure herriak bizi duen prozesua oztopatu nahian.
Honen aurrean, Uribe Kostako Ikasle Abertzaleok ikasleriari eta, oro har, jendarte osoari, epaiketa politiko hauen aurka eta konponbidearen alde Euskal Herrian zehar burutuko diren mobilizazioetan parte hartzeko deia luzatzen diogu, baita urriaren 26an “Erasoen gainetik Euskal Herria aurrera” lemapean Bilbon burutuko den manifestazio nazionalean parte har dezan.
Uribe Kostako Ikasle Abertzaleak
Uribe Kostako IA: "Ikasle borrokaz epaiketa politikoak gelditzea lortuko dugu!"
Aste hauetan zehar, Espainiako entzutegi nazionala Euskal Herriko 40 gazteren kontrako epaiketa politikoa burutzen ari da, hauen artean, Xabier de la Maza gazte gorliztarra aurkitzen delarik. Xabi ere, ikasle euskaldun, ezkertiar eta feminista da. Bera eta gainontzeko guztiak euren militantzia politikoagatik epaitu nahi dituzte. Euskal Herrian bizi dugun egoera antidemokratiko honen aurrean, gazteak eta gainontzeko auziperatuak berehala absolbitzea espainiar gobernuak hartu dezakeen biderik egokiena dela deritzogu. Epaiketa hauek orain burutzea ere ez da kasualitatea. Euskal Herriko gazte independentisten antolakundeak milaka gazte antolatu eta borrokara batu dituenean, beldurra sartzeko tresnatzat erabili nahi dituzte. Argazkian, Uribe Kostako asteburu laranjari hasiera emateko, larunbatean laranjaz margoztu zituzten Gorliz eta Plentziako zebra bide, iturri, zakarrontzi, panelak...
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun