Urriaren 24an, osteguna, Izaro Gonzalez Ieregi algortarrak zuzendutako "81 amama" dokumentala egongo da ikusgai Abian Kultur Elkartean. Hitzordua 19:30ean jarri dute Algortako Bidebarri kaleko egoitzan. "81 amama" euskal emakumearen inguruan eraikitako iruditegiaren inguruan hitz egiten duen proiektua da. XX. mende hasieran jaiotako amamen eta nekazal bizitza tradizionala bertan behera utzi zuten amamek eta hauen biloben arteko transmisioa hartzen du aztergai moduan, eta material gisa amama-biloba hauen memoria indibidual eta kolektiboak erabiltzen ditu. Lan hau gure iragan kultur transmisioaren eta euskalduntasuna ulertzeko moduen hausnarketa bat da. Ikus-entzunezko lanak 44 minutuko iraupena dauka. Ostegun honetan, hilak 17, izango da proiektu honen aurkezpena Donostiako Kafe Antzokian, 19:30ean. Argazkian, 2012ko irailaren 28an inauguratu zuten Abian.
Abian Kultur Elkartearen urriko egitarauari dagokionez, larunbat honetan, hilak 19, "Basoko espiritua" (euskarara itzulia) umeentzako filma egongo da ikusgai. Saioa 18:30ean izango da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun