Talde sustatzaile hori ostegunetan elkartzen ari da, Zirikaren lokalean (Erronda kalea 12, Bilboko Zazpi Kaleetan), arratsaldeko zazpietan. Jakina, proiektuan interesatuta dagoen pertsona ororentzat irekita dago.
Taldearekin harremanetan jartzeko:
• www.97irratia.blogspot.com
• 97puntocero[abildua]gmail.com
97.0 Irrati Librea
Iragan den irailaren 1ean Tas-Tas irrati libreak ateak itxi zituen, 21 urtez emititzen egon eta gero. Irailaren 30az geroztik, Gasteizko Hala Bedi irrati librea emititzen ari da Tas-Tasen frekuentzia beretik –FMko 97.0a–. Hain zuzen ere, Tas-Tasek eta Hala Bedik hainbat urte eman dituzte zenbait programa konpartitzen. Hala Bedik bere gain hartu ditu emisioak dakartzan gastuak, harik eta 2014ko otsailera arte. Neurri honi esker, inongo merkataritza-emisorak ezin izango du 97.0 frekuentzia okupatu eta, aldi berean, Bilbon Tas-Tas ordezkatuko duen irrati libreko proiektu berria finkatzeko astia egongo da. Horren haritik, Bilboaldean lanean ari diren hainbat gizarte-kolektibori lotutako jendeak eta Tas-Tas Irrati Libreko kide ohi batzuek Bizkaian Hala Bediren Emisioari Laguntzeko Taldea osatu dute. Bere helburua proiektuari atxikiko zaizkion eta hilean 10 euro emango dioten 100 lagunetik gora lortzea da. Argazkian, Mikel Estarrona Tas-Taseko kideak apirilean iragarri zuen irratiaren desagerpena / cc-by-sa Argia.com.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun