Zehazki, hitzarmena sinatu ondoren, BCC-k formakuntza eta espezializazio ikastaroak emango dizkie Leioako Ostalaritza Eskolako irakasleei, eta hauek, BCCk profesionalentzat antolatutako ikastaro irekietan ere parte hartu ahal izango dute, doan, plaza librerik geldituko balitz.
Halaber, hitzarmena ikasleen prestakuntzaz ere arduratuko da, eta horrela, BCCk beka bat eskainiko dio Leioan ikasketak amaitu dituen ikasle bati, profesionalentzako espezializazio ikastaro bat burutu ahal izan dezan.
Bestalde, Leioako Ostalaritza Eskolak BCCren esku utziko ditu kudeaketarako berak erabiltzen dituen zenbait aplikazio informatiko, erosketa, logistika eta mantenu gaietarako erabiltzen dituen aplikazioak, hain zuzen ere. Zentro bietako arduradunek sinatu duten hitzarmenak hiru urteko iraupena izango da, luzatzeko aukerarekin.
Hitzarmena sinatu eta bere eduki esanguratsuenak azaldu ondoren, alde bateko zein besteko ordezkariek mahaiaren bueltan ospatu dute lankidetza berria, Leioako Ostalaritza Eskolako Lukitxene jatetxean egin duten bazkarian, eskolako ikasleek prestatutako jakiekin.
Leioako Ostalaritza Eskolak eta Basque Culinary Centerrek (BCC) lankidetza hitzarmena sinatu dute gaur goizean, prestakuntza, ikerketa eta berrikuntzako jarduerak burutzeko konpromisoa hartuz, beti ere, gastronomiaren eta jatetxeen arloko gaietan. Akordioaren sinadura ekitaldia Leioako Ostalaritza Eskolan izan da, eta Jose Miguel Santamarina bertako zuzendariak eta BCCkoa den Joxe Mari Aizegak izenpetu dute. Hitzarmenean, prestakuntzarako eta zabalkunderako programak elkarrekin antolatzeko borondatea, ikerketako programak garatzeko asmoa eta informazioa eta aholkularitza trukatzeko bideak urratzeko nahia erakusten dute bi zentroek. Hori guztia, gastronomiarekin lotutako gaietan eta bi zentroen intereseko arlo zientifikoetan gauzatuko da. Argazkian, ezkerretik eskuinera, Aizega eta Santamarina gaurko sinatze ekitaldian / © Eusko Jaurlaritza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun