Plentzian duela hiru bat urte sexu eraso saiakera bat jasan zuen emakume bati "gure babes osoa" adieraziko diote bihar itsas-hiribilduko auzokideek. Bihar goizean, asteazkena, bortxaketa saiakera hargatik ustezko erasotzailea epaituko dute Bilbon eta hori dela eta plentziarrek "Patriarkatua suntsitu, erasotzaileak itsasadarrera!" lelopeko elkarretaratzea egingo dute epaitegiaren aurrean, Buenos Aires kalean, goizeko 9:30ean. Iluntzean ere, 20:00etan beste protesta bat egingo dute, kasu horretan Plentziako Piruli plazatxoan. Argazkian, 2011ko ekainaren 17an, 78 lagun elkarretaratu ziren Plentzian sexu erasoa salatzeko / cc-by-sa Plentziako Bildu.
Biktimak Ertzaintzari azaldu zionez, 2010eko azaroaren 21eko goizaldean metrotik jaitsi ostean, gizonezko batek jarraitu egin zion eta, etxerako bidean, eraso egin eta lurrera bota zuen. Emakumeak, baina, erasotzailea gainetik kentzea eta ihes egitea lortu zuen. Ertzaintzak ez zuen ustezko erasotzailerik topatu 2011ko ekainaren 9ra arte. Orduan, lagun batekin Plentziatik oinez zihoala, andrak ustezko erasotzailea ikusi zuen telefono-kabina batetik deia egiten. Ertzaintzak bertaratu, 37 urteko susmagarria identifikatu eta atxilotu zuen. Epailearen aurretik pasa ondoren, ustezko erasotzailea kalean eta kargu barik utzi zuten, hasiera batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun