Dagoeneko hasi dira egitura egiten, eta, gutxi gorabehera, hilabetean egongo da amaituta. Egitura osatzen denean, gaur egun dauden haurren jokoak desmuntatzen eta markesina hirukoitza jartzen hasiko dira. Egiturak, gutxi gorabehera, 4 metro inguruko altuera izango du, batez beste. Bere lekuan jarri ondoren, berriro jarriko dira haurrentzako jokoak, baina karparen azpian.
Desmuntagarria eta berrerabilgarria
Eraikitzen ari diren egitura oso funtzionala da. Izan ere, etorkizunean desmuntatu eta, hala badagokio, beste leku batean jartzeko aukera aurreikusita diseinatu da.
Markesinak hiru maila desberdin ditu, euren artean aldakorrak diren distantziekin; gidalerro makur bat ere badu, plazaren erdirantz jaisten dena. Arkupeak altzairu laminatuzkoak dira, eta estalkia, berriz, polikarbonato zeharrargitsuzkoa, lorategiaren pareraino koloreztatuta. Markesinaren azpian, gaur egun dauden luminariak jarriko dira, izan ere, haurrentzako jokoekin batera desmuntatuko dira, karpa jartzeko orduan.
Urdulizko Udalak Antsonekoa plazako haurrentzako jolasen egungo espazioa estaltzeko lanei ekin die. Modu horretan, haurrek urte osoan erabili ahal izango dute espazio hori, eguraldiaren menpe egon barik, tokiko iturriek azaldu dutenez. "Hartara, Udalak uda honetan bertan landutako Tokiko Agenda 21 berriaren onarpenean egindako promesetako bat beteko du. Izan ere, urduliztarrek eskatuta, eskaera aintzat hartu zuen", azaldu dute agintariek. Betearazpen aurrekontua 199.891,53 eurokoa da, eta, aurreikusitakoaren arabera, haurrentzako aisialdi-gune estali berria 2013. urtea amaitu baino lehen egongo da prest. Lanon bitartez, jolasak estaltzeko hiru markesina eraikiko dira, eta torlojuz lotutako finkapenen bitartez elkartuko dira, 450 metro koadroko azalera estaltzeko. Egitura oso-osorik eraikiko dute tailer batean, Antsonekoa plazan jarri baino lehen. Argazkian, Antsonekoa plazako jolasak / © Urdulizko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun