Bandera laranja hauek izango dira gaur konpromiso horien adierazgarri. Zure etxean, elkartean, tabernan, leihoan, balkoian eskegitzeaz gain, auzokide, berbalagun, lankide, etxe azpiko dendari, entrenatzaile, elkartekide zein hurbilekoei eskegitzera animatzea eskatzen dizuegu. Azalduiozu bandera laranja hauek getxoztarrok Euskal Herri aske batean bakean bizitzeko daukagun nahiaren isla direla, Jose Luis, Maite eta injustizia sufritu behar duten guztiekiko konpromisoaren sinboloa.
Ez dezatela esan Algorta, Getxo eta Uribe Kosta euren herritarrengandik borrokatu ez zuen herria izan zela; ez ditzagun bakarrik utzi ez euren sufrimenduan ezta euren poztasunetan ere.
Kate hau Lotzeko falta den maila zu zarelako, egiozu lekua bandera laranjari, egiozu lekua konpromisoari!
Joan den ostiralean Algortan Jose Luis Franco eta Maite Amezagaren etxeen artean egindako giza-katean irakurritako adierazpena.
Maite, Jose Luis, Izaskun, Xabi. Gaur beraiek dira eta sumarioa Herrikoen edo gazteen kontra da. Baina atzo beste batzuk izan ziren eta beste batzuk izan daitezke bihar. Beste batzuk izango dira, Espainiak Euskal Herria zigortu nahi duelako, Herri bat, mundua ulertzeko modu bat, sentitzeko eta pentsatzeko modu bat. Askatasuna lapurtu nahi diote Herriari eta aste honetan Maite, Jose Luis eta Xabiri tokatu zaie Estatu faxista horren biktima ekoizle den Audientzia Nazionalera hurbiltzea. Estatu zapaltzaileen errubera gelditu nahi badugu pauso bat haratago joan behar gara. Elkartasunetik konpromisorako saltoa eman behar dugu. Horretarako bildu gara gaur hemen, giza kate erraldoian injustizia hau sufritu behar duten Maite eta Jose Luisen etxeak lotu eta beraien zein egoera berdinean aurkitzen den edozein bizilagunen alde konpromisoak hartzeko prest gaudela adierazteko. Argazkian, irailean Libre Getxon ekimenak egin zuen azken ostiraleko deialdia / cc-by Algortako Herrira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun