Bihar, urriak 25, Gernikako Estatutuaren eguna deritzotena, Herri Eskolak burutuko dituzte Ikasle Abertzaleek (IA) Getxoko Aixerrota institutuan, "Jai egun arrotzei... intsumisioa!" lelopean. Izan ere, ikasle erakundeak zabaldu duenez, "2009an Euskal Herri Penintsularreko zatiketa administratiboan sakontzeko asmorekin izendaturiko eguna dugu". Dena dela, Eusko Legebiltzarraren ostean, urriaren 25a modu ofizial baten ospatzen den azken aldia izatea "txalotu" dute IAkoek, "urteetan zehar inposatu diguten jai egun arrotza desagertzen baita". Hori bai, herri eskoletan parte hartzera deitu dituzte ikasleak, "egutegi propioa eraikitzen" jarraitzeko asmoz. Horrenbestez, biharko, gosaria (10:00), aurkezpen jolasa (10:30), Lomce-ren inguruko hitzaldia eta mahai-ingurua (10:45) eta jolasak (12:30) antolatu ditu Aixerrotako IAk. Argazkian, Aixerrotan egindako herri eskolak, artxiboko irudian / cc-by-sa Ikasle Abertzaleak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun