Horren ostean, auzo-bileren txanda helduko da. Egutegia honakoa izango da:
- Azaroak 5, asteartea. 19:00etan Arriaterako egoitza sozialean. Landuko diren gaiak: Sopelbusaren maiztasunak, Barinatxe aparkalekuan karabanentzat leku bat egokitzeko proposamena, hiri-segurtasuna, eta abar.
- Azaroak 6, asteazkena. 19:00etan Sopelmarreko egoitza sozialean. Landuko diren gaiak: bidegorri sarea auzoraino luzatzeko proposamena, umeentzako jolasak auzoan eraikitzeko aukerak, eta abar.
- Azaroak 7, osteguna. 19:00etan Larrabasterrako Iberre institutuan. Landuko diren gaiak: Urko paduraren berreskuratzea, Iberreko igogailuaren egoera, foru errepideen segurtasuna, eta abar.
- Azaroak 8, ostirala. 19:00etan Sopela erdigunean, udaletxeko hall-ean. Landuko diren gaiak: oinezkoentzat kale berriak egoitzeko aukera, eta abar.
Gai horietaz guztiez gain, herri osoari dagozkien gaiak ere landuko dira auzo-bilera guztietan, esaterako: Loiolan alokairu sozialeko 28 etxebizitza eraikitzeko proiektua, Gatzarriñe kalean bidegorria eraikitzea, aterpetxe turistiko bat sortzeko aukera, liburutegi berria, skate-park berria, eta abar.
Iberreko igogailua, Gatzarriñe kaleko bidegorria, oinezkoentzako kale berriak... gai horien inguruan informazioa jaso eta ekarpenak egiteko aukera izango dute sopeloztarrek. Izan ere, hirugarren urtez, Udalak aurrekontuak onartzeko prozesu parte-hartzailea abiatu du, zuzen-zuzenean auzokideei informazioa helarazteko asmoz, eta auzokideek euren ekarpenak egiteko aukera izan dezaten. Prozesuaren aurkezpena asteazkenean, urriak 30, izango da, 19:00etan, Kurtzio Kultur Etxean. Bertan, Asier Blas EHUko Parte Hartuz Ikerketa Taldeko kidea egongo da, eta udal parte-hartzearen inguruko solasaldia. Argazkian, merkatari eta udal arduradunen arteko batzarra iaz udaletxeko sarreran / © Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun