PSE-EEk egindako adierazpenak aipagai izan ditu EAJ kritikatu du Eusko Jaurlaritzak "Euskadiko Eguna" ez ospatzean Legea urratzen duela esanez. Halere, PSE-EEk ez du gaur ekitaldirik egin, eta bideo bat zabaltzera mugatu da. Horren aburuz, legeria urratu duena "Estatutua azken 35 urteotan hustu duena" izan dela iritzi dio Ortuzarrek, PSE-EE, PP eta UPyDren botoekin onartu zen lege hari muzin eginez. Bere esanetan PPk "sinesgarritasun eskasa" du gaurko egunez estatutuari egin dion omenaldiarekin, eta esan du "urteko 365 egunetan Gernikara joan beharko lukeela, oso egun gutxitan joaten delako bere alderdiak urte osoan urratzen duen jarrera berresteko". "Bitxia da 35 urte hauetan Estatutua bete ez dutenek guri betetzea eskatzea, urte hauetan guztietan PSOE eta PPren gobernuak izan baitira Estatutua osotasunean garatzea eragotzi dutenak, eta oinarriko legeen bidez eskuduntzak eta autogobernua murrizten joan direnak", nabarmendu du.
EBBko presidenteak "hutsala eta faltsukeritzat" jo du orain "EAJren Gobernuari beste batek hustu duen Estatutua ospatzea eskatzea". "Guk aitortu eta ospatu egiten ditugu Estatutuak ekarri dizkigun lorpenak. Ez gara damutzen negoziatu izanaz edo Euskadin gaur dugun autogobernu egoerara iristeko kudeatu izanaz, baina hortik autogobernu ibilbidearen helmuga dela pentsatzeraino, bide handia dago oraindik" esan du.
"Euskadi eta Estatuaren arteko aldebikotasunak" huts egin duela zehaztu ondoren, Ortuzarrek esan du beharrezkoa dela" Euskadik autogobernurako urratsa ematea eta subiranotasun eskakizunak asetzea. Denok batuko gaituen puntu hori aurkitzen badugu, seguru nago hori ospatzeko eguna aurkituko dugula" gaineratu du.
Andoni Ortuzar EAJren EBBko presidenteak salatu duenez urriaren 25a, Gernikako Estatutuaren urtemuga, "ez da ospatzeko eguna, aldarrikatzekoa baizik", Estatutua "bete gabe dagoelako" . "Marko berria egiteko gai garenean eta hori lortzen dugunean, orduan hitz egingo dugu ospatzeaz" agindu du Ortuzarrek Europa Press albiste-agentziari eskaini dion elkarrizketan. Bestalde, EBBko presidenteak baieztatu du azaroan alderdi guztiekin harreman erronda hasiko duela, estatus juridiko eta politikoa lortzeko ibilbidea adosteko; zentzu berean esan du bere helburua dela bilkura aldi honetan "autogobernua eztabaidatzeko eta aztertzeko prozesua abian jartzea, eta etorkizunera begira Euskadin behar den estatus juridikoak zein izan behar duen ikustea". Azpimarratu duenez, EAJk bide hori "lasai" egin nahi du, "ahalik eta talde politiko gehienekin eta hasieratik hasita, ez amaieratik. Egingo dugun erronda horren ostean ikusiko dugu zein den gai hori hobeto bideratzen duen ekimena edo prozedurak eta eztabaidak ondo amaitzen dutela ondoen bermatzen duena", gaineratu du. Argazkian, Andoni Ortuzar iaz, Areetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun