Unibertsitatearen aburuz, "Leioako Udalak eta EHUk oinarrizko papera dute garapen sozioekonomikoan eta kulturaren hedapen eta zabalkundean, gizartearen promozioa bultzatzeko". Izan ere, unibertsitatearen aktibitate asko Leioan egiten dira, herriaren aktibitate sozioekonomikoan eragiten. Hitzarmena sinatzearen ondorioz, Leioako Udalak eta EHUk ikasketa guneak bultzatuko dituzte, baita herri parte hartzea susta dezaketen arautu gabeko esku hartzeak edo dibulgazio zientifikoak ere. Gainera, unibertsitate garraioa eta hiri garraio urbanoa elkarrekin aztertu eta planifikatuko dute, tranbiaren proiektuan eragin handia izan lezakeen berrikuntza, alegia.
Halaber, erakunde biek ekintzailetza sustatzeko kolaborazio ekintzak burutuko dituzte, mintegietako enpresen partaidetzarekin, eta tokiko enpresekin akordioak sinatuko dira ikasleak prestakuntza- praktiken programen barruan sartzeko. Erakunde sinatzaileak elkarlanean arituko dira euskararen erabilera sustatzeko unibertsitate campusean eta hirigunean.
Leioako Udalaren eta EHUren arteko kolaborazioak, era berean, kultura programazioak garatzea ahalbidetuko du, baita herrian edo campusean burutzen diren aktibitateen difusio eta promozio artistikoa ere.
EHUk eta Leioako Udalak sinatutako kolaborazio hitzarmenak erakunde biek ezarritako elkarlan sozial eta kulturalaren markoaren barruan gauzatuko da eta lau urte iraungo du. Hitzarmena modu tazituan luzatu ahal izango da iraupen bereko epeetan.
Euskal Herriko Unibertsitateak eta Leioako Udalak elkarkidetza hitzarmena sinatu dute gaur. Akordioa orokorra da eta etorkizunean hainbat arlotan proiektuak garatzea ahalbidetuko du gaur sinatutako hitzarmenak. Arlo horiek honakoak dira: hezkuntza, garraio publikoa, unibertsitate ingurua egokitu eta definitzea, zerbitzuak ematea, kultura egitaraua, euskararen erabilera eta ekintzailetza sustatzea. Aipatu arloetan, sinatzaileek nahi beste programa, egitasmo eta aktibitate planifikatu eta burutu ahal izango dira, beti bere eskumenen barruan. Horiek guztiak, dagokien akordioan definituko dira. EHUk zabaldutakoaren arabera, hitzarmenaren helburua da bi erakundeen "eskumenen barruko lankidetza lotura sendoak garatzea unibertsitateko komunitatearen eta leioaztarren interesak asebetetzen saiatzeko". Argazkian, Mari Carmen Urbieta Leioako alkateak eta Carmelo Garitaonandia Bizkaiko Campuseko errektoreordeak sinatu dute kolaborazio hitzarmena / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun