LABeko metalgintza arloko dozenaka delegatuk sektore horrek Bizkaian daraman lan hitzarmenaren aldeko borroka enpresarien ateraino eraman zuen atzo. Izan ere, FVEM Bizkaiko metalgintza enpresarien erakundeak bisita antolatua zuen Mungiako Arteche enpresako instalazioak ikusteko. Gauzak horrela, aurrean izan zituzten sindikalistak. LABeko kideek pasa den urtarrilaren 9an luzatu zioten FVEM metalgintzako patronalari lan hitzarmena berritzeko proposamena. Atzo, bergogoratu zutenez, "uztailaren 7tik ondoren, sektoreko hitzarmenaren negoziazioaren beharra aldarrikatzen jarraituko dugu. Negoziazio eremu guziak defendatzen jarraituko dugu, bai enpresakoa baita herrialde mailakoa ere. Argi eta ozen diogu. LAB aurre egiteko prest dago eta aurrean izango gaituzte". Uribe Kostan, pasa den urtarrilaren 22an abiatu zituzten mobilizazioak. Argazkian, atzoko elkarretaratzea Mungian / cc-by-sa LAB sindikatua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun