Getxolan Getxoko Udalaren Ekonomia Sustapenerako eta Enplegu Zerbitzuak kudeaketa aurreratuari buruzko lehenengo tailerrak antolatu ditu, udalerriko enpresa txikientzat. Ohi bezala, ikastaro guztiak erdara hutsean izango dira. Lehenengo tailerra, "Visual Thinking - el pensamiento visual" deritzotena, azaroaren 13an eta 20an egingo dute, 14:00etatik 17:00etara. Bigarren tailerra, "La toma de decisiones ¿Qué nos influye cuando estamos tomando las decisiones en la empresa? ¿Somos objetivos? ¿Qué ideas nos influyen?" izenburukoa, azaroaren 27an izango da, 14:00etatik 16:30era. Tailerrak Getxo Elkartegian egingo dira, Areetako Ogoño kaleko 1.an. Edozein argibidetarako eta tailer horietako edozeinetan parte hartzeko, Getxolanekin harremanetan jarri beharko da, 944 660 140 telefono zenbakira deituta edo getxolan[abildua]getxo.net helbide elektronikora idatziz. Tailerrak Valora proiektuaren barruan antolatu dituzte eta Europako Gizarte Funtsak %50ean finantzatzen ditu. Argazkian, Areetan altxatutako udal eraikin berria / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun