Edonola ere, lan horiek "eragin ditzaketen atxikipen eta eragozpenak albait gutxitzeko," beharrak tarteka egingo dituzte. Izan ere, besteak beste, etxeetako eta garajeetako sarbideak libre utziko dituzte ukitutako kaleetan bizi direnentzat.
Getxoko Udalak ardura hartuko du lan horiek eragingo dituzten trabak ahalik eta txikienak izan daitezen auzotarrentzat, batez ere, eta hiritarrentzat, oro har, eta lanei buruzko informazioa "unean unean" ematea agindu du.
Iberdrola enpresaren linea elektrikoa indartzeko asmoz, Getxoko Udalak lan batzuk egingo ditu Algortako erdigunean azaroaren lehen egunetatik eta datorren urteko urtarrilaren amaiera artean. Herrilanen helburua gune horretako sare elektrikoari kapazitate handiagoa ematea da, "etorkizunean Algortako erdiguneko premia berriei hobeto erantzuteko", udal iturriek azaldu dutenez. Lanak Algortako, Euskal Herria eta Basagoiti etorbideetan zein Mariandresena eta Amezti kaleetan egingo dituzte, nagusiki. Kale horietako zenbait tokitan zangak irekiko dituzte hartune elektriko berria ipintzeko. Ondorioz, lanak egiten diren bitartean, ibilgailuen zirkulazioan eta oinezkoen mugimenduan, trabak izango dira, horiek etengo ez dituzten arren. Halaber, zenbait kaletan eta une zehatzetan, kaleko aparkaleku batzuk kendu eta espaloi-tarteak itxiko dira. Argazkian, Imanol Landa alkatea eta Joseba Arregi Hirigintza zinegotzia, herrilan batzuetan artxiboko irudian / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun