skekintza Animalista taldeak gogoratu duenez, "elikadura beganoan ez da animalia jatorriko osagairik erabiltzen eta horrek ez du dieta askotarikoa eta orekatua izatea ekiditen, nola egin behar den jakiten bada". Hori erakusteko, bihar era askotariko pintxoak emango dituzte doan: enpanada, errusiar entsalada, patata tortilla, hanburgesa beganoa, saltxitxa beganoa, pikilo piperren patea, oliba beltzen patea, azenario patea, bizkotxoa, azenario eta koko tarta eta arroz esnea.
Baina, azpimarratu dutenez, beganismoa ez da bakarrik elikadura beganoa (%100 begetarianoa) izatea, "beganismoa animalien eskubideak errespetatuz bizitzea da, hau da, animalietan esperimentatuak ez dauden produktuak erostea, larru, ile, edo lumarik ez erostea, eta oro har animaliak erabiltzen dituzten ikuskizunetara ez joatea". Horrekin, "segundo oro gizakiaren kontsumo ohiturek sortarazten duten milioika animalien heriotza, esplotazio, sufrimendu eta esklabutza" ekidin daitezkeelakoan daude animalistak.
Iazko Beganismoaren Nazioarteko Egunari buruzko bideoa (cc-by-nc Askekintza Animalista)
Bihar, ostirala, azaroak 1, Beganismoaren Nazioarteko Eguna izango da eta Euskal Herrian ere ospatuko dute hirugarren urtez jarraian. Askekintza Animalista taldeak jakinarazi duenez, Donostian egingo dute ekimena. Goizeko 11etatik janaria amaitu arte degustazio begano bat egingo dute Donostiako Zurriola Pasealekuko erloju parean, elikadura beganoa zein goxoa den erakusteko eta jendea beganismora hurbiltzeko. Nazioarteko Beganismoaren Eguna ospatzeko 11 pintxo mota gazi eta gozoak prestatuko dituzte pasatzen den orori probatzeko eskainiz eta informazio emango diete beganismoa zer den eta nola aurrera eraman daitekeen erakutsiz. Beganismoari buruzko errezetarioak doan eman, eskuorriak banatuko eta gaiari buruzko liburuak salduko dituzte. Argazkian, jaki beganoak dastatzeko iaz jarritako gunea / © Askekintza Animalista.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun