Gaur, larunbata, hamalaugarren Indabadaz gozatzerik izango da. Aurten, "Probatu ez duenak ez daki zer den hau, urrutiko indabak gerturatu ta 14" lelopean. Algortako Gazte Asanbladako kideek adierazi dutenez, iazko zalantzak gora behera, aurten eguneko jaialdiaren ostean gaupasa izango da Txorimalo gaztetxean. Horrenbestez, goizeko 9etatik antolatzaileek eta txandalariek eta ordu bat beranduago parrandazaleek festari ekingo diote. Hasteko, graffitia egin eta diana joko dute. Eguerdian, ordea, koadrilen arteko giza proba eta txotxa izango dira. Bazkaltzeko gura duenak 15:00ak arte itxaron beharko du, baita ekitaldia eta argazki ofiziala burutu arte ere. Bazkari herrikoiaren ostean, bingoa eta kalejira musikatua izango dira, Txorimalo gaztetxean amaituko dena. Argazkian, Algortako koadrilak dira Indabada festaren arima.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun