Algortako Amezti eta Mariandresena kaleen artean dauden zenbait taberna "zonaldeari bizitza ematearen alde agertu" dira, udal iturrien arabera, astean zehar hainbat produktu eskainiz. Izan ere, ostegunetan Pintxo potea eskainiko dute 2 eurotan, arratsaldez (19:00etatik 22:00ak arte); ostiraletan edari bakoitzeko pintxoa doan izango da, eta, azkenik, larunbatetan, edaritegiek hainbat ekintza antolatuko dituzte giroa animatze aldera. Azken animazio ekimen hori hilaren 16an, larunbata, hasiko da, 20:00ak aldera, Richy eta Apolo bolero-taldearen eskutik. Baina atariko gisa, ostiral honetan, hilak 8, ostatuetan Zuriñe eta Xabier trikitilariak ariko dira 20:00etatik aurrera. Argazkian, Itzubaltzeta / Romoko 21 tabernek 2012ko neguan abiatu zuten Pintxo Potea ekimena. Ondoren Algortako Katea gunekoek ere berea antolatu zuten / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun