Gustura galdetuko nioke non bizi zen, nola etorri zen, lagunak nolakoak ziren, baina... Ordu batzuk aritzen da irakasle aditu batekin keinuak ikasten. Beste orduetan bere buruarekin berba egin beharko du. Agian, inoiz bere irribarreak giltzapetutako txoria askatuko du, eta gauza gehiago jakingo ditugu. Bitartean, irakaskuntza sistemak preso eta isolatua izango du hamahiru urteko neskatxo polita.
Juan Luis Mugertza idazle eta irakasle berangoztarrak "Berria" egunkarian gaur argitaratutako artikulua.
[© Juan Luis Mugertza Unanue - Berria.info] Gure eskola oso koloretsua da. Beno, eskola baino ikasle askoren larrua, bazter askotatik etorritako askok topatu baitute aterpe han. Gure eskolak beti du atea zabalik; ez dio inolako trabarik jartzen etorri berriari, ikasturtea hasita badago ere. Lehengoan ikasle berri bat etorri zen. Idazkaritzan ikusi nuen bere gurasoekin edo, matrikula egiten. Ez zitzaidan burutik pasatu nire ikasle izan zitekeenik, baina, hurrengo egunean, nire ikasgelan ikusi nuen, idatz mahaiari begira. "Profe, es nueva", esan zidaten nire ikasle elebidunek. "No habla; es muda". Eta neskatxoa bezala gelditu nintzen, zer esan, zer egin ez nekiela. Egunek aurrera egin dute, eta orain badakit, behintzat, ikasleek esanda, Filipinetakoa dela. Hala ere, ez dakit zein den bere hizkuntza, Filipinetan 170 hizkuntza inguru mintzatzen baitira. Hizkuntza horietatik guztietatik 2 bakarrik dira ofizialak: tagalo eta ingelesa. Aspaldian, gaztelania nahiko hedatua zegoen uhartean, espainiar inperioaren zati baitzen. Hala ere, biztanleriaren %10ek hitz egiten zuen, batez ere, espainiar kolono eta filipinar landuek. Egun, gaztelania ia desagertua dago, ingelesaren mesedetan. Argazkia: cc-by-nc-sa Hodei Torres.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun