Parisko Zigor Epaitegiak astelehenean epaitu egin zuen Algortako bizilagun izandako Jone Lozano Miranda preso politiko aresoarra, bost urteko espetxe zigorra ezarriz; fiskalak eskatutakoa baino urte bat gutxiago, "El Correo Español" egunkariak nabarmendu zuenez. Olatz Talavera abokatuak "ETAk borroka armatua utzi duelarik galdea prokuradorearen galdea gehiegizkoa" zela salatu zuen. Lozanok erakunde armatuko kidea zela onartu eta tortura ere salatu zuen, hitza hartu zuenean, Ibai Beobide Arza bilbotarraren kasua aipatuz. Horrek Guardia Zibilari eginiko aitorpenetan Lozano bera eta Jon Rosales Palenzuela preso ohi algortarra inplikatu zituen. "Frantziak Espainaren inmobilismo eta errepresio estrategiari bizkar eman behar dio", bukatu zuen Lozanok. Argazkian, Notre Dame katedralaren atarian kontzentrazioa egin zuten Parisera joandako Leitza, Areso, Algorta eta Leioako lagun eta senitartekoek / © Ateak Ireki.
Algortako bizilagun izandako Jone Lozano Miranda preso politiko aresoarra 2011ko martxoaren 21ean atxilotu zuen Frantziako Poliziak. 2010eko otsailean alde egin zuen ETAko kide izatea leporatuz atxilotzeko agindua emana zela eta. Epaitu artean Lyon-Corbas espetxean izan dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun