"Nolako justizia penala nahi dugun pentsatu behar dugu. Horretarako elkartzen garen hamargarren aldia da, eta aurrez egin ditugun hausnarketa horiek ere justizia penalaren etorkizuna argitzeko balioko digu", adierazi zuen Ibarrak.
Auzi eztabaidatsua
Lidonen hilketan lagundu zuelakoan, Orkatz Gallastegi berangoztarra zigortu zuten, nahiz eta Amnistiaren Aldeko Mugimenduak hainbatetan salatu frogak eta epaiketak "muntaia" zirela, Estatuak "norbait" zigortu bide zuelako: "Orkatz hasieratik zegoen kondenatuta. Horretarako atxilotu zuten. Lidon ustez hil zutenak hilak ziren, eta errudun zuzenen bat behar zuten, bide batez, Lidonen familiarrek kasu hauetan errudunei aplikatzen zaien 'erantzukizun zibila' jasotzeko. Eta Orkatz hautagai ona zen Ertzaintzarentzat, Eusko Jaurlariarentzat. Eta hor dago, espetxean, Ertzaintzak, Eusko Jaurlaritzak, Espainiako auzitegiek, Espainiako Gobernuak, dirua legezko itxurak eginez kobratu beharrak, 'El Correo'k eta bestek kondenatuta". Urtzi Murueta leioaztarra ere auziperatu zuten arren, Lidonen hilketarekin zerikusirik ez zuela izan berretsi zuen Espainiako Auzitegi Gorenak. Hodei Galarraga eta Egoitz Gurrutxagari ere leporatu zieten Lidon hil izana, baina biak ala biak Bilboko Basurtu auzoan hil ziren 2002ko irailaren 24an, kotxean zeramaten bonbak eztanda egin zienean.
Hamaika urte bete ziren atzo, azaroak 7, ETAk Jose Maria Lidon Corbi Bizkaiko Auzitegiko Bigarren Aretoko magistratua Algortako bere etxeko garajean hil zuenetik. Hori dela eta, Bilboko Justizia Jauregian lore eskaintza egin zuten atzo goizean haren familiako kideek, lagunek eta lankideek. Besteak beste, Josu Erkoreka Eusko Jaurlaritzako bozeramaile eta Herri Administrazio eta Justizia sailburua eta Iñaki Azkuna Bilboko alkatea izan ziren bertan. Juan Luis Ibarra EAEko Justizia Auzitegi Nagusiko buru sopeloztarrak ere parte hartu zuen omenaldian. Horren hitzetan, "azaroaren 7a Jose Maria Lidonen eguna da, eta urteurren honetan gogora ekartzen dugu ETA epaileak etsai existentzial bihurtzen saiatu zela, baina ez zuen lortu". Lore eskaintza ez ezik, zuzenbide jardunaldiak ere egin zituzten atzo Lidonen omenez. Jardunaldi horietan, Zigor Kodea eta Prozedura Kriminalaren Legea aldatzeko martxan dauden proiektuak errepasatu zituzten. Argazkian, Juan Luis Ibarra artxiboko irudi batean / cc-by Irekia - Eusko Jaurlaritza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun