Sevillako presoek duintasuna aldarrikatzen dute. Pertsonen duintasuna. Eta borrokan ari dira guztien duintasunaren eta askatasunaren alde.
Sevilla IIko espetxeko isolamenduan dauden preso sozialek bat egin dute borrokaldiarekin.
Osny-ko espetxean dauden euskal preso politikoek bat egin dute borrokaldiarekin.
Etxerat elkartetik deialdi hunkitua egin nahi dugu gose greban ari diren presoen alde mobilizatzeko:
- Gutunak idatzi kartzelako zuzendaritzari.
- Gutunak idatzi presoei.
- Informazioa zabaldu.
- Datorren astean martxa bat egingo da Sevilla II espetxera.
- Martxan parte hartu edo ekonomikoki lagundu.
Sevilla II espetxeko egoerak ez du luzatzerik. Baina ez da kasu bakarra. Beste espetxe batzuetan ere antzeko egoeratan daude.
Gose greban ari diren presoek argi esan digute: dispertsioarekin bukatzea da honelako egoerekin behin betiko amaitzeko modu bakarra.
Eta horregatik, hain zuen, Sevilla II espetxeko borrokaldi honek une honetan berebiziko garrantzia du preso dauden guztientzat, bai eta gu guztiontzat ere bai.
Euskal preso politiko guztiak Euskal Herrira!
Euskal preso politiko guztiak kalera!
Etxerat elkarteak gaur iluntzean Algortan egindako manifestazioaren ostean irakurritako oharra.
Etxerat: "Sevillako presoak borrokan ari dira guztien duintasunaren eta askatasunaren alde"
Sevillako espetxean dauden euskal preso politikoek 12 egun daramate gose greban. Urtzi Paul Larrea, gure bizilagunak, 12 egun darama gose greban. Urriaren 28an ekin zioten gose greba mugagabeari. Arrazoi sinple bategatik ari dira borrokan: isolamenduan dauzkate, muturreko neurriak aplikatzen dizkiete, tratu txarrak... eta urteak dira horrela Sevilla II espetxe horretan. Protestak eta salaketak egin dituzte. Zuzendariarekin izan dira. Epaileen aurrean kexak egin dituzte... Eta berdin segitzen dute. Orain gose greba mugagabeari ekin diote beste irtenbiderik ikusten ez dutelako. Egoera honek luzatzerik ez duelako. Bizitza duina eta osasuna zaintzeko bermea eskatzen dute. Isolamendu mugagabea amaitzea, kide guztiak batera egotea, gutxieneko eskubideak bermatuak izatea eta beraien aurkako erasoak etetea. Argazkian, 165 lagun inguruk egin dute manifestazioa gaur Algortan / cc-by Tantaz Tanta Algorta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun